Американскиот производител на безалкохолни газирани пијалоци Coca-Cola, кој го напушти рускиот пазар во 2022 година, во април оваа година поднесе три апликации за регистрација на своите најпознати брендови „Coca-Cola“, „Fanta“ и „Sprite“ во Русија.
Рускиот портал Ведомости, кој прв ја објави оваа информација, се повикува на базата на податоци на Федералната служба за интелектуална сопственост на Русија (Роспатент), пренесува РИА Новости.
Во март 2022 година, Coca-Cola објави дека ја прекинува работата во Русија, а производството и продажбата на пијалоци под овој бренд заврши во јуни истата година.
Нашите срца се со луѓето кои ги трпат последиците од трагичните настани во Украина, објави тогаш Coca-Cola на својата веб-страница.
И покрај тоа, производите на Coca-Cola увезени од други земји се уште се достапни во Русија, пренесува ТАСС, кој тврди дека американската компанија сега сака да регистрира дури осум брендови.
