Основачот на Амазон и моментално третиот најбогат човек во светот, Џеф Безос, влезе во нова фаза од својата деловна кариера и лансираше стартап компанија фокусирана на примена на вештачка интелигенција за инженерство и производство, Проект Прометеј.
Веќе на почетокот, има капитал од 6,2 милијарди долари.
Амбицијата на проектот е фокусирана на развој на системи што можат да го забрзаат производството, истражувањето и инженерството.
На овој начин, Безос го поврзува својот личен интерес за вселената со индустријата за вештачка интелигенција, објавува Њујорк Тајмс, повикувајќи се на анонимни информирани извори.
Прометеј се вклопува во новата генерација стартапи кои сакаат да применат вештачка интелигенција во физички задачи – не само текст, слики или код.
Овие пристапи вклучуваат учење од експерименти од реалниот свет, пристап што веќе го практикуваат компании како Periodic Labs, чии роботи извршуваат експерименти за да внесуваат податоци од реалниот свет во моделите на вештачка интелигенција.
Околу 100 истражувачи се веќе вработени на новиот проект на Безос, меѓу кои експерти од компаниите Open AI, Deep Mind и Meta.
Во споредба со конкуренцијата, Прометеј има значително поголем почетен капитал, дури три пати поголем од многу други стартапи во оваа област.
