Во Црна Гора, според податоците на Централната банка (ЦБЦГ), на крајот на јули биле блокирани 20,63 илјади фирми и претприемачи, нешто повеќе отколку на крајот на јуни.
Вкупниот износ на долгот врз основа на кој се блокирани сметките е речиси 1,29 милијарди евра, што е за 1,56 отсто повеќе во однос на јуни.
Концентрацијата на долгот, како што соопшти ЦБЦГ, е релативно голема, така што десетте најголеми должници, односно 0,05 отсто од вкупно евидентираните, учествуваат со 30,46 отсто од вкупниот износ на блокадата. Им се блокирани 393,64 милиони евра.
Според извештаите, 50,8 отсто од вкупната сума на блокадата или 656,43 милиони евра им припаѓаат на 50-те најголеми должници кои сочинуваат 0,24 отсто од сите регистрирани должници.
Во континуирана блокада до една година имало 1,71 илјади должници, чија блокада изнесува 41,81 милиони евра, што е 3,23 отсто од вкупниот износ на блокадата.
Повеќе од една година се блокирани 18,91 илјади фирми или претприемачи, а блокирани се 1,25 милијарди евра.
