Хималајската сол Kotanii од 88 грама – мелница со рок на употреба 10 февруари 2030 година се повлекува од пазарот поради идентификувани пластични честички кои настанале при мелење сол, соопшти во саботата Државниот инспекторат на Република Хрватска.
Станува збор за производ на австрискиот производител KOTANII GmbH, ЛОТ број 442087, а се повлекува од продавниците, од каде им се извинуваат на купувачите и наведуваат дека причина за повлекувањето на производот е присуство на туѓо тело (пластика) .
Ова известување се однесува само на производот со горенаведените информации.
