Бројот на невработени во јуни се зголеми за околу 4.000 во однос на претходниот месец, на 2,727 милиони, објави во петокот Федералната агенција за труд. Стапката на невработеност остана непроменета во однос на мај на 5,8 отсто.
Во споредба од година во година, имало 172.000 повеќе невработени.
Бројот на луѓе без работа во јуни, поради сезонска работа, најчесто опаѓа. Трендот испари во последните години поради пандемијата, а потоа и доаѓањето на украинските бегалци, пренесува ДПА.
Оваа година, сепак, тоа се припишува исклучиво на економски фактори.
Слабоста на пазарот на труд продолжува“, изјави претседателката на Агенцијата Андреа Налес.
„Сезонски приспособените бројки за неработењето и невработеноста значително се зголемија во јуни. Економијата продолжи да се воздржува да создава работни места“, рече Налесова.
Како резултат на тоа, бројот на огласни работни места се намалува. Во јуни агенцијата забележала 701.000 од нив, односно околу 69.000 помалку од 12 месеци порано.
