По цели 81 година работа, продавницата „Софијадис“ во градот Волос, Грција, ги затвора вратите.
Оваа продавница започна со работа во далечната 1943 година и сето тоа време се спротивстави на сите предизвици. Сега е време за затворање, а причината е речиси неверојатна – поради пензија.
Според нејзиниот сопственик Никос Софијадис, тој ќе го затвори својот дуќан на крајот на јуни поради пензионирање. За жал, бизнисот нема кој да го наследи, а по повеќе од осум децении работа, граѓаните на Волос се збогуваат со оваа позната продавница, пренесува Таксидромос.
