Рускиот технолошки конгломерат Rostec известува за напредокот во отстранувањето на странските делови и системи од млазниот авион „Јаковлев MC-21“, наменет за кратки и средни линии.
Компанијата наведува дека сите системи во авионот, вклучувајќи го софтверот, климатизацијата и напојувањето, сега се од руско производство.
Замената на странските компоненти започна во 2018 година со композитните крила, а во 2021 и 2022 година беше проширена и на другите системи.
Државната компанија за производство на авиони UAC, која е дел од Rostec, планира да го зголеми годишното производство на 36 авиони. Испораката на првиот MC-21 за Aeroflot е планирана за четвртиот квартал на 2027 година, пишува Avio Press.
