Евролигата во вторникот ја одби понудата на НБА за преземање на европското клупско натпреварување.
Точната сума што НБА им ја понудила на сопствениците на клубовите од Евролигата не е објавена, но јасно е дека понудата не била доволно висока ниту за двете страни да започнат преговори.
Против понудата се изјасниле претставници на клубовите сопственици на Евролигата, меѓу кои биле Хозе Анхел Санчез од Реал Мадрид, Жоан Лапорта од Барселона, Лео Дел’Орко од Армани Милано, Шимон Мизрахи од Макаби, Тунчај Озилхан од Ефес, Андреј Ватутин од ЦСКА Москва, Херберт Хајнер од Баерн, Хозе Антонио Керехета од Басконија, Тони Паркер од АСВЕЛ, Паулиус Мотиејунас од Жалгирис и Дерија Јаниер од Фенербахче.
Иако ова прашање не било на дневниот ред, претставниците разговарале за понудата во вторникот, 6 октомври, бидејќи одговорот до НБА морал да биде доставен до крајот на денот.
Одговорот бил категорично „не“.
Од Евролигата сметаат дека натпреварувањето со актуелниот систем постојано расте и дека нема потреба од „надворешна помош“.
Дополнително, понудата од НБА била далеку под вредноста за која сопствениците сметаат дека во моментов вреди најдоброто европско клупско натпреварување.
Претседателот на Барселона, Жоан Лапорта, понудата ја нарекол „смешна“, додека претставникот на Басконија, Хозе Антонио Керехета, ја оценил како „навредлива“.
Така, Евролигата продолжува по својот пат, без директно влијание од НБА.
