Активноста во кинескиот производствен сектор во септември се врати во зона на раст, покажуваат официјалните податоци објавени денеска.
Индексот на менаџерите за набавка (PMI) се зголеми на 50,1 по 49,8 во август, со што производството излезе од зоната на контракција по два последователни месеци. Ниво над 50 покажува раст на активноста.
Растот е поддржан од подобрите временски услови, кои им овозможиле на фабриките повторно да работат со поголем капацитет, но и од глобалниот бум на вештачката интелигенција.
Индексот на производството порасна на 51,7, додека новите нарачки достигнаа 50,5.
И приватното истражување на RatingDog покажува подобрување, со PMI од 52,1 во септември, највисоко ниво во последните пет месеци.
Сепак, кинеската економија и понатаму се соочува со слаба домашна потрошувачка и проблеми на пазарот на недвижности.
Властите воведуваат мерки за поттикнување на кредитирањето во инфраструктурата и технолошкиот сектор, како и дополнителна поддршка за купувачите на станови.
Економистите предупредуваат дека ќе биде потребна дополнителна поддршка за закрепнувањето да продолжи.
