ИНА и Петрол воведоа привремени ограничувања за точење гориво на своите бензински пумпи во Хрватска, откако во јавноста протекоа информации за драстично зголемување на цените од наредниот вторник, особено на дизелот.
На бензинските пумпи низ цела Хрватска се поставени известувања со кои купувачите се информираат дека максималната количина при едно точење е ограничена на 300 литри.
Оваа мерка следува откако возачите и превозниците, по најавите за поскапување, почнаа да создаваат залихи и масовно да ги полнат резервоарите.
Причина за паниката и создавањето гужви се неофицијалните прогнози за новите цени на горивата, кои треба да стапат во сила од вторник.
По повод најавениот бран поскапувања се огласи и хрватскиот премиер Андреј Пленковиќ, кој потврди дека ќе дојде до зголемување на цените и дека Владата на телефонска седница во понеделник ќе ги разгледува можните мерки.
„Ќе направиме сè што можеме, но нашите можности се ограничени“, порача Пленковиќ.
