Увозот на нафта во Европската Унија во првиот квартал од 2026 година остана речиси непроменет во споредба со месечниот просек од минатата година, додека увозот на природен гас во гасовита состојба забележа намалување и по вредност и по количина.
Според најновите податоци на Евростат, вредноста на увозот на нафта во ЕУ е зголемена за 0,8 проценти, додека увезената количина е намалена за 0,6 проценти.
Кај течниот природен гас (LNG), вредноста на увозот е намалена за осум проценти, но количински е забележан раст од 2,9 проценти.
Најголеми снабдувачи со нафта на Европската Унија во првиот квартал од годинава биле Соединетите Американски Држави со удел од 17,8 проценти, Норвешка со 16,6 проценти и Казахстан со 9,6 проценти.
Најголемиот дел од течниот природен гас ЕУ го увезла од САД, кои учествуваат со 57,4 проценти од вкупниот увоз. Следуваат Русија со 17,3 проценти и Катар со 6,6 проценти.
Кога станува збор за природниот гас во гасовита состојба, Норвешка останува најголем снабдувач со удел од 54,4 проценти, пред Алжир со 18,5 проценти и Русија со 9,8 проценти.
