Компанијата Дизни објави дека во последниот фискален квартал забележала приход од 21,24 милијарди долари и добивка од 264 милиони, 14 центи по акција.
Прилагодената заработка по акција на Дизни е 82 центи, што е повеќе од очекуваното од аналитичарите на агенцијата LSEG (Refinitiv), кои предвидуваа 70 центи по акција, пренесува CNBC.
Бројот на претплатници на стриминг платформата Disney Plus се зголеми за седум милиони на 150,2 милиони претплатници за три месеци, додека аналитичарите на Streetcount предвидуваа помал број од -148,15 милиони претплатници.
Приходите на Дизни се зголемија за 5 отсто на годишно ниво, малку заостанувајќи зад очекувањата на Волстрит од 21,33 милијарди долари.
Дизни објави дека „агресивно ќе управува“ со својата база на трошоци и ќе ги намали трошоците за уште 2 милијарди долари на вкупно 7,5 милијарди долари.
Акциите на оваа компанија поскапеа за четири отсто по објавувањето на резултатите по затворањето на берзата.
