По напнати 40 минути без комуникација, додека вселенското летало „Орион“ беше зад темната страна на Месечината, екипажот на мисијата „Артемис II“ повторно воспостави комуникација со Земјата.
Астронаутката на „Артемис II“, Кристина Кох, ја прекина тишината, велејќи дека е „прекрасно повторно да се слушне Земјата“, со моќна порака за човештвото.
"We will always choose each other."
— NASA Artemis (@NASAArtemis) April 6, 2026
Mission control has reacquired signal with the Artemis II crew after the mission’s planned loss of signal. Our astronauts are once again using the Deep Space Network to keep conversation and science data flowing between space and Earth. pic.twitter.com/aagRApba1z
„Хјустон, Интегритет, проверка на линк. Неверојатно е повторно да се слушне Земјата… Азија, Африка и Океанија, ве гледаме вас – слушаме дека сега можете да погледнете нагоре и да ја видите Месечината. И ние ве гледаме. Кога го лансиравме ова вселенско летало на Месечината, реков дека не ја напуштаме Земјата, туку ја избираме, и тоа е вистина“, рече Кох, додавајќи:
„Ќе истражуваме, ќе градиме, ќе градиме вселенски летала, ќе дојдеме повторно. Ќе градиме научни бази. Ќе управуваме со ровери, ќе се занимаваме со радиоастрономија, ќе основаме компании, ќе ги зајакнеме индустриите. Ќе инспирираме – но на крајот, секогаш ќе ја избираме Земјата. Секогаш ќе се избираме еден со друг.“
Со своето патување, тие патуваа подалеку од Земјата од кој било човек во историјата, а во исто време станаа првите луѓе што набљудуваа одредени делови од другата страна на Месечината со голо око, како и затемнување на Сонцето.
Artemis II is now entering a solar eclipse that will last for about an hour as Orion, the Moon and the Sun align. During this phase, the crew will see the Sun disappear behind a mostly darkened Moon. pic.twitter.com/VHdY5oa7aE
— NASA Artemis (@NASAArtemis) April 7, 2026
Откако патуваа рекордни 406.771 километри од Земјата и го надминаа рекордот на Аполо поставен во 1970 година за повеќе од 4.000 милји, а потоа орбитираа околу Месечината, астронаутите сега се враќаат на Земјата.
Повратното патување ќе трае околу четири дена, а слетувањето во Тихиот Океан, покрај западниот брег на Соединетите Американски Држави, се очекува на 10 април во 20:07 часот по источно време.
Тимовите ќе користат хеликоптери за да ги извлечат астронаутите од водата и да ги префрлат на блискиот брод на американската морнарица. За време на враќањето на копно, тие ќе бидат подложени на медицински прегледи на бродот, објави НАСА.
