Норвешкиот увозник на Фолксваген, „Møller Mobility Group“ штотуку го потврди планот за затворање на сите нарачки за бензински и дизел автомобили во земјата до декември 2023 година. После тоа, ќе ги продава само своите електрични модели, пишува Electrek.
Не е изненадување што Норвешка води во светот во усвојувањето на електрични автомобили. Електричните возила сочинуваат повеќе од 20 отсто од сите патнички возила во земјата и речиси 84 отсто од сите нови продадени возила. Според податоците на Норвешката федерација за патишта, бројката се зголемува на 90 проценти, ако се пресметаат со plug-in хибриди.
Норвешката влада, исто така, планира да ги забрани сите возила со мотори со внатрешно согорување од 2025 година, најраната од која било земја, со што Volkswagen ќе биде пред другите производители за една година.
Во последните 10 години, Фолксваген извезол повеќе од 102.000 електрични патнички автомобили во Норвешка. VW ID.4 е наведен како втор најпродаван автомобил во сите типови на погон во Норвешка, со 5.832 модели регистрирани до крајот на септември. ID.3 е на осмото место со 2.615 продадени единици.
Сепак, Tesla Model Y е најпродаваниот автомобил во Норвешка, со повеќе од 20 отсто од пазарниот удел, односно со 15.452 продадени единици во првата половина од оваа година. Речиси секој четврти продаден автомобил оваа година е Tesla Model Y.
