Црна Гора годинава има вишок електрична енергија за извоз од околу 800 гигават часови (GWh), додека за следната година се планира вишок од околу 500 GWh.
Црна Гора годинава има вишок електрична енергија за извоз од околу 800 гигават часови (GWh), додека за следната година се планира вишок од околу 500 GWh бидејќи се очекува просечна хидролошка година, додека годинава беше над просекот во однос на врнежи од дожд.
Енергетски биланс за 2024 година. Според податоците на Монстат, за периодот јануари-октомври годинава Црна Гора извезла струја за 190 милиони евра, што е 35 отсто од вкупниот извоз.
Така, електричната енергија стана најважниот стратешки производ на Црна Гора, а нејзиниот извоз на овогодинешното ниво би изнесувал околу четири отсто од проценетиот бруто-домашен производ (БДП).
Најмногу струја за овој период е извезена во БиХ за 50 милиони, по 42 милиони во Србија и Словенија, а црногорската струја стигнала и во Чешка, Швајцарија, Унгарија и Данска.
Очекуваното производство на електрична енергија годинава се проценува на четири илјади GWh, што е за околу 400 GWh или 11% повеќе од планираното. Тоа е постигнато благодарение на растот на производството од хидроцентралите за речиси 17 проценти од планираните 1.842 на 2.150 GWh, како и од термоелектраната Пљевља, каде наместо планираните 1.387, се произведени 1.500 GWh.
