Уделот на американскиот долар во глобалните девизни резерви малку се намали и изнесува 56,9 проценти во третиот квартал од 2025 година, според најновите податоци од Меѓународниот монетарен фонд (ММФ).
На крајот од вториот квартал, уделот на доларот во резервите изнесуваше 57,1 процент, а пазарите сега се стабилизираат по изразените движења на валутните пазари во претходниот период, објавува Ројтерс.
Во третиот квартал, уделот на еврото малку се зголеми, од 20,2 проценти во вториот квартал на 20,3 проценти, а уделот на јапонскиот јен исто така дополнително се зголеми од 5,6 на 5,8 проценти.
Според аналитичарите на „Голдман Сакс“, третиот квартал од оваа година беше обележан со стабилизација, со минимални промени во уделите на доларот и еврото по острите движења во вториот квартал кога девизните пазари беа под притисок поради најавите за царини на американскиот претседател Доналд Трамп.
Овогодишните случувања повторно ја отворија дебатата за долгорочната улога на американскиот долар како водечка резервна валута во светот.
Некои аналитичари посочуваат на почетни знаци на дедоларизација, но повеќето експерти сè уште веруваат дека ваквите промени ќе бидат долгорочни.
