Некои градови во Шпанија, како Малага, предупредуваат дека несреќите со електрични скутери се зголемени за речиси 40 проценти. Поради оваа причина, Шпанците воведуваат мобилен радар, кој ќе ги казни од 200 евра за возачите кои ќе ја надминат максималната брзина.
Електричните скутери станаа дел од нашето секојдневие и нема сомнеж дека ќе ги има се повеќе и повеќе. Тие се одлично транспортно средство за одржлива мобилност, но создаваат и многу проблеми поради нивната комплицирана коегзистенција со другите учесници во сообраќајот и недостатокот на регулативи кои соодветно би ја регулирале нивната употреба.
Поради сите овие причини, бројни несреќи се поврзани со електрични скутери, пренесуваат Шпанците. Најновиот извештај на Фондацијата Мапфре предупредува дека несреќите со електрични скутери се зголемени за 37 отсто во Шпанија во текот на изминатата година.
Врз основа на ова, шпанската полиција издала повеќе од 10.000 казни во последните пет години, главно за погрешно паркирање, потоа возење во пешачки зони, но и во ситуации кога скутерот го користат две или повеќе лица истовремено. Градот Малага прави нов чекор во воспоставувањето на регулатива за користење и најавува воведување контрола на брзината преку нови мобилни радари.
Така локалната полиција на Малага конкретно ќе ја контролира брзината на електричните скутери на нивните улици, а оние кои ќе ја надминат брзината од 25 км/ч ќе бидат казнети со 200 евра. Сепак, во зависност од улицата, скутерите може да имаат ограничување на брзината од 20 или дури 15 km/h.
Бидејќи ромобилите немаат регистарски таблички, полицијата на лице место ќе го легитимира возачот и ќе го извести за казната што подоцна ќе му биде врачена. Казни од 200 евра секогаш важат за возачот на ромобилот, без разлика дали е во сопственост или изнајмен.
Иако постојат модели кои развиваат поголеми брзини, електричните скутери во никој случај не треба да надминуваат брзина од 25 km/h. За вакви изведби е потребна сообраќајна дозвола и осигурување, бидејќи веќе се смета за мопед.
