Шпанија продолжува да бележи рекордни резултати во туризмот, а приходите од странските посетители растат побрзо од самиот број туристи.
Во првата половина од 2026 година странските туристи во земјата потрошиле 63,8 милијарди евра, што е за 7 отсто повеќе во споредба со истиот период минатата година.
Само во првите пет месеци од годинава Шпанија ја посетиле рекордни 36,8 милиони странски туристи, кои потрошиле околу 50 милијарди евра.
Податоците покажуваат дека Шпанија не бележи само раст на бројот на посетители, туку и значително поголема потрошувачка по турист.
Силниот тренд продолжува и во летната сезона, а шпанските власти очекуваат околу 43 милиони меѓународни туристи во текот на летото.
Доколку сегашниот тренд продолжи, бројот на странски туристи во Шпанија годинава би можел да ја надмине границата од 100 милиони посетители.
Дополнителен показател за силната сезона е и авиосообраќајот.
Шпанските аеродроми во првата половина од годината опслужиле 156,2 милиони патници, што е раст од 3,7 отсто во однос на истиот период лани.
Само за август се предвидени околу 14,1 милиони седишта на меѓународните летови кон Шпанија, или 7,2 отсто повеќе од минатата година.
Особено силна побарувачка доаѓа од Велика Британија и Италија, додека значително расте и бројот на планирани летови од Полска.
Туризмот останува еден од најважните двигатели на шпанската економија.
Според проценките на Светскиот совет за патувања и туризам, потрошувачката на странските посетители во Шпанија во 2026 година би можела да достигне 121,1 милијарда евра.
