Шведската централна банка ја намали својата референтна каматна стапка по трет пат во 2024 година за 25 базични поени на 3,25 отсто во средата.
„Доколку изгледите за инфлацијата и економската активност останат непроменети, референтната стапка може да се намали и на двата преостанати состаноци за монетарната политика оваа година“, се вели во соопштението на банката, пренесува Anadolu Agnecy.
„Тоа, исто така, укажува дека може да се направат уште едно или две намалувања на каматните стапки во текот на првата половина на 2025 година“, се додава во соопштението.
Банката постепено ја намалува стапката од четири проценти во текот на последните четири состаноци. Почнувајќи од април 2022 година, стапката се зголеми од нула на четири проценти во септември 2023 година и остана стабилна до март оваа година.
Банката наведува дека инфлаторните притисоци се намалени во текот на 2024 година, во согласност со стапката на инфлација од околу два отсто.
