Чешка значително го зголеми купувањето на руски гас во јануари, пишува чешкиот портал Novinki.cz.
Според информациите на чешкиот гасен оператор НЕТ4ГАС, уделот на рускиот гас во вкупниот чешки увоз на овој вид енергија во јануари изнесувал 62 отсто.
Во периодот од јануари до октомври 2023 година, Чешка речиси и да не увезе руски гас, бидејќи нејзиното учество во вкупниот увоз на гас изнесуваше само два отсто.
Ситуацијата почна да се менува во ноември, кога се зголеми купувањето на руски гас преку Словачка.
„Шокот доаѓа со податоците за ноември и декември 2023 година, кога уделот на рускиот гас во вкупниот увоз нагло порасна на 26 отсто и 58 отсто“, предупреди чешкиот економист Јиржи Пур.
Во 2023 година чешките власти објавија дека ја „надминале зависноста од рускиот гас“ и изјавија дека земјата најмногу енергија добива од Норвешка, пренесува Комерсант.
