Хрватска е европски рекордер по раст на цените на станбените недвижности, бидејќи најновите податоци на Евростат покажаа дека цените пораснале за 10,9 отсто на годишно ниво во третиот квартал, што е највисоко меѓу сите земји од Европската унија.
На квартално ниво, цените на недвижностите во Хрватска пораснале за 0,3 отсто во однос на вториот квартал.
Цените на недвижностите во Загреб се двојно повисоки од 2015 година, а на јадранското крајбрежје во истиот период пораснале за речиси 70 отсто, пишува порталот Пословни.
Купувачите кои купиле недвижен имот на Јадранот минатата година плаќале во просек осум отсто повеќе отколку во летото 2022 година, а купувачите на недвижности во Загреб морале да издвојат 12 отсто повеќе.
Високите цени се одразиле и на прометот на пазарот на недвижности бидејќи, според податоците на хрватската даночна управа, продажбата на станбени недвижности во 2023 година паднала за околу седум отсто на годишно ниво, односно за 6.000 помалку недвижности биле продадени во Хрватска отколку во 2022 година.
