Ford Motor Co. најави дека ќе укине околу 3.000 работни места во Германија и 800 во Велика Британија до крајот на 2027 година.
Компанијата ја брани одлуката велејќи дека ќе помогне да се обезбеди нејзината идна конкурентност во Европа.
Форд ги обвини „значајните конкурентни и економски бариери“ на европскиот пазар на автомобили, истовремено забележувајќи и „неусогласеност помеѓу регулативите за CO2 и побарувачката на потрошувачите за електрифицирани возила“, известува Баха.
Германската автомобилска индустрија е во длабока криза, но тоа не е единствената причина поради која во наредната деценија ќе мора да укине 140.000 работни места, процени институтот „Prognosa“.
Авторите на анализата Prognosa нарачана од Здружението на германската автомобилска индустрија (VDA) наведуваат дека бројките укажуваат на степенот на несигурност во индустријата, во која моментално работат околу 911.000 луѓе.
Со други зборови, ако нема значителна промена во инвестициската политика во следната деценија, приближно едно од пет постоечки работни места ќе исчезне. Тоа не е само израз на економската криза.
Падот на вработеноста го диктира и преминувањето кон електромобилноста – изјави претседателката на VDA, Хилдегард Милер.
