Брендот GAC Aion е добро познат во Кина, но речиси непознат во остатокот од светот. Сега, тие го најавија доаѓањето во Европа.
Компанијата ќе го направи тоа со електричниот модел UT кој ќе се натпреварува со возила како MG4, BYD Dolphin или Volkswagen ID.3.
Според податоците на кинеското Министерство за индустрија и информатичка технологија (MIIT), GAC Aion UT ќе биде долг 4.270 mm, со меѓуоскино растојание од 2.750 mm.
GAC Aion UT ќе има единечен електричен мотор со 136 КС, а подоцна може да добие и нови мотори со повисоки нивоа на моќност.
Ќе се напојува од батерија LFP со сè уште непознат капацитет, и покрај ова, познато е дека моделот ќе добие одобрен опсег до 600 километри, според кинескиот циклус на хомологација CLTC.
Според порталот CarNewsChina, GAC Aion UT на домашниот пазар ќе се продава со цена од околу 13.000 евра.
Оваа цена е многу блиску до почетната цена на BYD Dolphin или MG4 во Кина и е значително поприфатлива од цената на Volkswagen ID.3 во Кина. Засега не се знае која ќе биде почетната цена во Европа.
Засега е достапна само илустрација за внатрешноста, а од неа можеме да заклучиме дека се работи за уште еден „генерички“ дизајн, сличен на бројните возила кои веќе се на пазарот.
