На повидок е нова државна помош за младите во Србија. Претседателот Александар Вучиќ, пред неколку дена најави нови стимулации кои ќе им помогнат на младите да го купат својот прв имот. Како што рече, ратите нема да надминат 200 евра, а учеството ќе биде од 3 до 5 проценти.
Претседателот на Србија, Александар Вучиќ изјави дека земјата се впуштила во голема иницијатива и креирање програма кога се во прашање проблемите со кои се соочуваат младите, а тоа е купувањето станови.
Вучиќ рече дека најголем проблем се парите за учество.
– Ќе направиме гарантни шеми со Народната банка, ќе се потрудиме да бараме 3 до 5 проценти за учество.
Ќе се погрижиме ратата да не надминува 200 евра. Сега ја градиме таа шема за да видиме како да се субвенционира купувањето на стан. Тој нагласи дека нема да бидат дозволени трикови со префрлање на роднини.
Сакаме да ги спасиме младите во Србија, ќе создадеме програма што ја нема никаде во Европа, како да се реши станбеното прашање – рече Вучиќ.
