Украинскиот министер за енергетика Херман Галушченко синоќа изјави дека заканите на словачкиот премиер Роберт Фицо дека ќе го прекине снабдувањето со електрична енергија за Киев нема да успеат.
Галушченко изјави за Политико дека Украина може да компензира за секое нарушување со увоз на електрична енергија од Романија и Полска и дека потенцијалните активности на Фицо „ќе ги прекршат регулативите на ЕУ“.
Тој рече и дека прекинот на снабдувањето со електрична енергија првенствено ќе предизвика штета на самата економија на Словачка.
„Не станува збор за добивање субвенции или бесплатна струја. Ние плаќаме за електричната енергија што ја добиваме“, рече тој, додавајќи дека прекинот на извозот може да ја чини Словачка „стотици милиони долари“ годишно.
Според него, Киев апелирал и до Европската комисија да започне официјални консултации за ова прашање.
Словачкиот премиер Роберт Фицо оваа недела предупреди дека би можел да преземе „реципрочни мерки“ вклучително и запирање на извозот на електрична енергија во Украина во текот на зимата, откако Киев го отфрли продолжувањето на договорот од 2019 година што дозволува транзит на гас низ земјата до централна Европа портал.
