Трошоците на животот во октомври 2023 година, во однос на истиот месец лани, се зголемени за 3.5 %, а цените на мало за 3.4 %. Во споредба, пак, со септември годинава, трошоците на животот бележат намалување од 1.5, а цените на мало од 0.6 %, соопшти Државниот завод за статистика.
Намалување на индексите на трошоците на животот во октомври 2023 година, во споредба со претходниот месец, е забележано кај млекото за 10.1 %, јајцата за 9.0 %, свежиот и разладениот зеленчук, освен компирите и другите коренести плодови за 8.6 %, минералната вода, газираните пијалаци, соковите од овошје и зеленчук за 6.4 %, свежото и разладеното овошје за 5.2 %, пивото за 4.3 %, сирењето и урдата за 4.1 %, месото за 3.4 %, лебот и житата за 3.3 % и маслото и маснотиите за 0.9 %.
Исто така, намалување на индексите на трошоците на животот е забележано и кај медиумите за снимање за 7.7 %, информатичката опрема за обработка на податоците за 7.3 %, горивата и мазивата за сопствените превозни средства за 3.2 %, велосипедите за 1.8 %, услугите за сместување за 1.1 %, цврстите горива за домаќинствата за 1.0 %, игрите, играчките и хобијата за 0.9 %, опремата за спорт, кампирање и рекреација на отворено за 0.7 %, малите електрични апарати за домаќинствата, производите за домаќинството – нетрајни, другите услуги за опремата за сопствен превоз за 0.6 %, моторните возила за 0.5 % и медицинските услуги за 0.2 %.
Пораст на индексите на трошоците на животот во октомври 2023 година, во споредба со претходниот месец, е забележан кај шеќерот, џемот, медот, чоколадата и кондиторските производи за 2.4 %, прехранбените производи неспоменати на друго место за 1.8 %, жестоките пијалаци за 1.4 %, рибата и морските плодови за 1.2 %, виното за 1.0 %, кафето, чајот и какаото за 0.4 %.
Во октомври, исто така, пораст на индексите на трошоците на животот е забележан и кај електричните апарати за лична хигиена за 9.5 %, воздухопловниот патнички транспорт за 5.2 %, ветеринарните и другите услуги за домашните миленици за 4.7 %, гасот за домаќинствата за 3.9 %, градините, растенијата и цвеќињата за 2.6 %, домашните миленици и сродните производи за 2.2 %, туристичките аранжмани за 2.0 %, домашните услуги и услугите за домаќинствата, резервните делови и приборот за сопствените превозни средства за 1.9 %, мотоциклите за 1.7 %, поправката на аудиовизуелната, фотографската и информатичката опрема, другите апарати и производи за лична хигиена за 1.6 %. Кај фотографската и кинематографската опрема и оптичките инструменти има раст за 1.5 %, мебелот и покуќнината, другото образование за 1.3 %, чевлите и другите обувки за 1.2 %, фармацевтските производи за 1.1 %, услугите за одржување и поправки на живеалиштето, другите лични предмети за 1.0 %, опремата за прием, снимање и репродукција на звук и слики за 0.9 %, поправките на мебелот, покуќнината и покривките за подот, стаклените садови, кујнскиот прибор и другата опрема за 0.8 %, услугите за рекреација и спорт, услугите за култура за 0.7 %, големите електрични апарати за домаќинствата за 0.6 %, облеката за 0.5 %, одржувањето и поправката на сопствените превозни средства за 0.4 %, течните горива за домаќинствата, рестораните, кафулињата и слично, накитот, часовниците и рачните часовници за 0.3 %, теписите и другите подни покривки, патниот патнички транспорт, канцеларискиот материјал и материјалите за цртање за 0.2 %.
