Околу една третина од германските вработени размислуваат да продолжат да работат по навршувањето на законската возраст за пензионирање, покажува новото истражување објавено во неделата.
Извештајот на Германскиот економски институт (IW), до кој дојде неделниот весник Die Welt, покажува дека вработените постари од 55 години имаат поголема веројатност да останат на работа по возраста за пензионирање отколку оние под 30 години.
Исто така, експертите на раководни позиции или со повисоки професионални квалификации се поотворени за продолжување на нивниот работен век од нискообразованите работници без менаџерски должности, пренесува SEEbiz.
Истражувањето на IW сугерира дека вработените кои се задоволни и ангажирани на своите работни места имаат поголема веројатност да размислат за одложување на пензионирањето. Сепак, финансиските размислувања не играат значајна улога во наодите на студијата.
Германската нестабилна економија е во опасност да ги загуби квалификуваните работници со пензионирањето, без доволно работна сила да ги замени.
Коалициската влада на канцеларот Олаф Шолц предложи да се понудат бонуси за работниците кои го одложуваат своето пензионирање како дел од стимулативниот пакет кој сè уште треба да го одобри германскиот парламент.
