„Во моментов во Германија има околу 3.300 супербогати, кои се луѓе што поседуваат имот во вредност од повеќе од 100 милиони долари“, произлегува од студијата на Global Wealth Report на Boston Consulting Group (BCG).
Така, бројот на супербогати во однос на лани е зголемен за еден процент. Во исто време, бројот на оние кои поседуваат имот кој надминува еден милион долари (1 долар = 0,92465 евра) исто така се зголеми на 555.000.
Според истата студија, во споредба со остатокот од светот, богатството во Германија е „натпросечно нерамномерно“ распоредено, пренесува Пословни дневник. BCG проценува дека овој тренд ќе продолжи и дека „супербогатите“ за пет години ќе поседуваат 26 отсто од вкупниот имот во Германија.
Најголем број „супербогати“, 26.000 од нив живеат во САД, а потоа следи Кина со 8.300 супербогати. Германија е на третото место.
Минатата година уделот на недвижностите во вкупното богатство на најбогатите во Германија се намали поради падот на цените на пазарот на недвижности.
