Србија продолжува да привлекува најголем дел од странските директни инвестиции во Западен Балкан, покажуваат податоците и анализите на Конференцијата на Обединетите нации за трговија и развој (UNCTAD). Според анализата, земјата и натаму е најатрактивната инвестициска дестинација во регионот, со најголем прилив на странски капитал во споредба со останатите економии од Западен Балкан.
Најголем интерес кај инвеститорите има за автомобилската индустрија, производството, енергетиката и информатичките технологии, додека инфраструктурните проекти и понатаму се меѓу клучните фактори за привлекување нови инвестиции.
Според анализата, Србија и во наредниот период има потенцијал да ја задржи водечката позиција во регионот, доколку продолжи со спроведување на започнатите економски реформи и капитални инвестиции.
Србија од странски директни инвестиции, има годишен прилив од околу четири до пет милијарди евра. Според економските анализи, земјата привлекува повеќе од половина од вкупните странски инвестиции што пристигнуваат во регионот. Таа останува единствената земја од Западен Балкан која не е членка на Европската Унија, а има инвестициски кредитен рејтинг, што дополнително ја зголемува довербата кај странските инвеститори.
