Отворањето на делницата Крушевац – Трстеник – Врњачка Бања на автопатот Е-761 на Моравскиот коридор значаи нови 30 километри величенствен, дигитален и најширок автопат во Србија“.
Должината на целиот Моравски коридор е 112 километри, а како што претходно беше најавено, целиот автопат ќе биде готов до крајот на 2025 година или поточно, тогаш ќе биде завршена и последната делница од Врњачка Бања до Адран. Коридорот ќе поврзе 500.000 луѓе, бидејќи на неговата траса ќе бидат Краљево, Крушевац, Врњачка бања и Трстеник.
Тоа ќе биде најсовремен и прв дигитален автопат во Србија, бидејќи по неговата траса ќе се инсталираат оптички кабли и дигитална опрема што ќе овозможи бесплатен безжичен интернет и најсовремен систем за управување со сообраќајот. Тој е за 1,6 метри поширок од постоечките автопати во Србија.
Во моментов за сообраќај се отворени 28 километри од коридорот и тоа делниците од Појат до Макрешан и од Макрешан до Кошево кај Крушевац. Моравскиот коридор ќе поврзува три реони: Расински, Рашки и Моравски, со коридорите 10 и 11, односно ќе ги поврзува автопатите Милош Велики и Белград-Ниш.
Моравскиот коридор се состои од три делници: Појате-Крушевац со должина од 27,83 километри, Крушевац-Адрани со должина од 53,88 километри и Адрани-Мрчајевци-Прељина во должина од 30,66 километри.
Работата на изградбата на Моравскиот коридор – автопатот од Појат до Прељина започна во средината на декември 2019 година со церемонија во градот Јасика, кај Крушевац. При изградбата на коридорот претходно беше најавено дека ќе се регулира протокот на Јужна Морава и нејзините притоки во должина од 68 километри. Автопатот е проектиран за брзина до 130 километри на час, ќе има 11 клучки, 71 мост, 23 надвозници, пет подвозници и 31 пропуст.
На 5 декември 2019 година, Владата на Србија и американско-турскиот конзорциум Бехтел-Енка потпишаа комерцијален договор за изградба на Моравскиот коридор вреден 745 милиони евра, а предвидени се дополнителни работи и директни и индиректни материјални трошоци од 20 отсто.
