Кога станува збор за половни автомобили, Lexus и Toyota се најсигурни брендови со голема разлика, што ја потврдува нивната репутација кај купувачите.
Американската организација за потрошувачи „Consumer Reports“ направи големо истражување за доверливоста на користените автомобили, што открива дека јапонските марки се најдобри во овој поглед, додека марките Tesla и Stellantis се на последното место.
За да ја состави оваа листа за доверливост, Consumer Reports прегледала повеќе од 150.000 возила од 2014 до 2019 година во сопственост на нејзините членови, споредувајќи го бројот на проблеми што ги имал секој автомобил со просекот за сите возила.
Стивен Илек, раководител на програмата Consumer Reports за анализа на податоци за автомобили, рече дека овие две марки се познати по нивното „конзервативно постепено подобрување на целата производна линија, наместо да воведат многу сосема нови системи“, пренесува Јутарњи лист.
Mazda е на третото место, а Acura и Honda ја заокружуваат доминацијата на јапонските производители на автомобили во првите пет. Од друга страна, Chrysler, Dodge, Tesla, Jeep и Ram имаа најлоши оценки за доверливост. Интересно е што сите брендови со најлоши резултати, освен Tesla, се во сопственост на компанијата Stellantis.
Иако овие списоци даваат увид во веродостојноста на голем број модели, експертите сепак советуваат да се истражува секој модел поединечно при купувањето. Релативно несигурна марка сепак може да понуди добар модел, исто како што традиционално сигурен бренд може да ве изненади со лош автомобил.
Дополнително, многу е важно да се земе предвид цената на возилото и трошоците за поправки, пренесува Данас.
