Крипто берзата Binance ќе престане да ја користи рубљата од 31 јануари.
Најголемата светска крипто-берза Binance денеска објави дека од 31 јануари следната година ќе престане да ја поддржува руската валута во P2P операциите, односно при купување и продавање криптовалути.
Луѓето кои сè уште сакаат да тргуваат со криптовалути користејќи руски рубљи ќе мора да се префрлат на платформата Comm EX, која во септември го купи целиот бизнис на Binance во Руската Федерација, пренесува Tass.
Клиентите на крипто берзата Binance можат да ги повлечат своите средства во рубљи до последниот ден од јануари 2024 година.
Во мај 2022 година, Binance ги суспендираше трансакциите со Visa и Mastercard картичките издадени во Русија и го најави своето заминување од рускиот пазар.
