Златото достигна рекордни цени на светските берзи, додека инвеститорите масовно се повлекуваат кон сигурни финансиски засолништа, подгреани од сѐ посилната неизвесност околу трговската војна меѓу САД и Кина.
Пазарите реагираа бурно: азиските берзи се во пад, а токискиот индекс Никеи вчера загуби повеќе од 5 проценти. Волстрит исто така регистрираше значителен пад, бришејќи ги речиси сите добивки од претходниот ден.
Причината за најновата турбуленција се новите трговски мерки предложени од Вашингтон. Белата куќа објави нов сет на царини кон Кина, која се соочува со вкупна царинска стапка од цели 145 проценти.
Сепак, американскиот претседател Доналд Трамп внесува оптимизам.
„И понатаму верувам во можноста за договор. Сигурен сум дека двете земји ќе најдат решение што ќе биде во интерес на сите“, вели претседателот Трамп.
Но, Пекинг не чекаше долго за да возврати. Кинеските власти веднаш одговорија со воведување реципрочни мерки, поставувајќи нови царини до 84 проценти за сите американски производи кои се продаваат на кинескиот пазар.
Бизнис аналитичарите со предупредување дека продолжената конфронтација меѓу двете најголеми економии во светот би можела дополнително да ги наруши глобалните пазари и да го забави ионака кревкото глобално економско закрепнување по пандемијата.
