Ирската нискобуџетна авиокомпанија Рајанер објави дека нивната нето добивка во првата половина од оваа година изнесува 820 милиони евра, што е за 460 милиони евра, или 128 проценти повеќе во однос на истиот период минатата година.
Причина за ова е зголемувањето на цените на билетите и зголемувањето на бројот на патувања за време на велигденските празници. Ова е најголемата авиокомпанија во Европа по број на патници.
Од почетокот на оваа година до крајот на јуни, превезла 57,9 милиони патници, додека во првите шест месеци од минатата година превезла 55,5 милиони патници, што е за четири проценти повеќе. Нејзините приходи изнесувале 4,34 милијарди евра, што е за 20 проценти повеќе во споредба со првите шест месеци од 2024 година. Нејзините оперативни трошоци изнесувале 3,42 милијарди евра, што е за 5 проценти повеќе во споредба со првите шест месеци од минатата година.
„Рајанер“ има 618 авиони, 25 повеќе од минатата година, од кои 181 се „Боинг 737-8200“, за кои посочија дека се одговорни за зголемувањето на сообраќајот. Нарачале вкупно 210 од споменатите авиони „Боинг“ и очекуваат дека преостанатите 29 од нив ќе бидат испорачани значително пред јули следната година. До март 2034 година треба да им бидат испорачани 300 авиони „Боинг 737 Макс“.
Тие посочија дека во текот на ова лето ќе работат на 2.600 линии и тврдат дека има голема побарувачка на сите нивни линии.
