Сајлас Мејс (17) од Колорадо на почетокот на октомври отишол на ручек во Мекдоналдс со својот татко, каде нарачал хамбургер Quarter Pounder.
Силас не забележа ништо необично за вкусот. Меѓутоа, три дена подоцна, тој се разбудил среде ноќ со огромни болки, со крвави столици и силни грчеви во стомакот, кои ги опишал како најлошата болка што некогаш ја почувствувал, објави Дејли мејл, а пренесува Нет.хр.
Неговата мајка итно го однела во болница, каде што добил лекови против болки и инфузија. Иако бил отпуштен дома, следниот ден состојбата му се влошила. Тој веќе не можеше да задржи храна или вода. Повторно бил хоспитализиран, каде примил фентанил и други лекови.
Набрзо било откриено дека најмалку 90 луѓе, вклучително и 27 хоспитализирани, исто така се разболеле откако јаделе во Мекдоналдс. Бактеријата ешерихија коли, откриена во сечканиот кромид што се користи во хамбургерите, ја предизвикала инфекцијата. Едно лице почина, а две други, меѓу кои 15-годишник и 88-годишник, се борат за живот поради откажување на бубрезите.
Центрите за контрола и превенција на болести (ЦДЦ) објавија дека кромидот бил веднаш повлечен, а Мекдоналдс спроведе привремена промена и моментално го опслужува Quarter Pounder на 700 локации без кромид. Истото го направија и Burger King, Taco Bell, KFC и Pizza Hut.
Силас сега е дома, но е исцрпен и ослабен 4,5 килограми. Неговата мајка рече дека семејството повеќе нема да јаде во Мекдоналдс.
Еден човек од Колорадо веќе поднел тужба против ресторанот, додека адвокатот за труењето со храна Рон Сајмон моментално застапува 36 жртви, меѓу кои и две со сериозни проблеми со бубрезите.
