Министерот без ресор во Владата на Србија, Ненад Поповиќ денеска разговараше со генералниот директор на Евроазискиот регионален центар на Новата развојна банка на БРИКС, Андреј Бораков, за можноста Србија да се приклучи на банката во 2026 година, соопшти кабинетот на Поповиќ.
Новата развојна банка е основана во 2015 година од земјите на БРИКС – Бразил, Русија, Индија, Кина и Јужноафринаска Република, а и се придружија Бангладеш, ОАЕ, Египет и Алжир. Уругвај, Колумбија и Узбекистан се подготвуваат да станат членки, а Србија, исто така, разгледува таква можност, се наведува во соопштението.
Тоа е трет консултативен состанок посветен на развојот на соработката меѓу Србија и оваа меѓународна финансиска организација.
„Соработката со Новата развојна банка на БРИКС и дава на Србија реални перспективи за имплементација на големи инфраструктурни проекти во областите на транспортот, енергетиката, дигитализацијата и медицината. Со тоа што ќе стане членка на Банката, Србија добива пристап до сигурен и независен инструмент за меѓународно финансирање и до богатото искуство што БРИКС го има на располагање“, нагласи Ненад Поповиќ.
„Новата банка за развој е отворена за прием на нови членови и е подготвена да го започне процесот на преговори во случај на поднесување соодветно официјално обраќање од страна на српските власти“, изјави Андреј Бокарев по состанокот.
