Легендарниот инвеститор Ворен Бафет во јуни откри дека подарил акции на Беркшир Хатавеј во вредност од 5,3 милијарди долари. Тоа, заедно со благиот пад на вредноста на неговите акции, беше доволно за да го помести за три места надолу меѓу најбогатите луѓе во светот, на 10-то место од 1 јули. Тоа е најниското рангирање за Бафет, најдарежливиот човек на планетата, во последните години.
Тој е еден од само двајцата луѓе во топ 10 кои паднаа на листата овој месец. Францускиот магнат за луксузни производи Бернар Арно – кој беше најбогатиот човек на светот од февруари до крајот на мај – падна на третото место бидејќи акциите во неговата групација LVMH паднаа втор месец по ред.
Акционерите на производителот на електрични автомобили гласаа во корист на Маск, дозволувајќи му да задржи опции засновани на перформанси во вредност од речиси 50 милијарди долари.
Иако Форбс ќе продолжи да ги намалува опциите на Тесла за 50% додека тој не ги добие – се очекува долг процес на жалби – неговото богатство повторно порасна за 11,1 милијарди долари од 1 јуни и скоро 19 милијарди долари во изминатите два месеци. Нето вредноста на Маск најверојатно наскоро ќе се зголеми од SpaceX, за која се вели дека продава акции во понуда од 210 милијарди долари – од 180 милијарди долари минатиот декември (Маск поседува околу 42% од акциите).
Џеф Безос, чие богатство порасна за 15,5 милијарди долари во последниот месец, се искачи на второто место бидејќи пазарната капитализација на Амазон за прв пат надмина 2 трилиони долари кон крајот на јуни.
Најголем добитник во јуни беше Лари Елисон, чие богатство се зголеми за 26,8 милијарди долари на околу 173 милијарди долари, бидејќи акциите на Oracle достигнаа највисоко ниво на сите времиња.
Најбогатата жена на светот и понатаму е Франсоаз Бетенкур Мајер
Најбогата жена на светот и понатаму е Франсоаз Бетанкур Мајер од Франција чие богатство се проценува на 89 милијарди долари и е 15-та најбогата личност во светот. Таа е сопственичка на козметичкиот гигант Loreal.
Вкупно 10-те најбогати луѓе во светот вредат 1,66 трилиони долари – околу 76 милијарди долари повеќе отколку пред еден месец.
