Доколку патувате во странство работно или приватно, треба однапред да ги испланирате местата, па дури и земјите доколку се наоѓаат на вашата патна мапа каде што би можеле да заштедите на патните трошоци. Како што тврдат Германците, бензинот е најевтин во Полска, а дизелот во Луксембург.
Германскиот автомобилски клуб ADAC неодамна одлучи да ги провери просечните цени на горивата низ Европа. под лупа беа ставени цените на бензинот Супер 95 и на дизелот. А резултатите од оваа споредба навистина би можеле да ве изненадат.
Новинарите на ADAC заклучија дека, кога станува збор за цената на безоловниот бензин, најевтина земја е Полска. Со просечна цена од 1,56 евра за литар, безоловен бензин е најприфатлив во Полска, а нешто поскап во Словенија (1,58 евра/лит) и Чешка и Унгарија (1,61 евро/лит).
Но, кога станува збор за цената на дизел горивото, на листата на најприфатливи земји предводи „малиот“ Луксембург, каде литар чини 1,48 евра, колку што е приближна цената што ја плаќа и регионов. Цените на дизелот се поволни и во Шпанија (1,53 евра/лит) и Словачка (1,54 евра/литар).
Најскапиот бензин со 95 октани ќе го платите во Холандија (2,07 евра/лит) и Данска (2,06 евра/лит). Највисока цена на дизелот плаќаат Швајцарците, односно патниците кои транзитираат, дури 2,01 евро за еден литар. Затоа би било паметно да застанете во Австрија, па дури и во Италија, ако вашата рута ве води низ една од тие земји пред да влезете во Швајцарија.
Со тоа што планирате каде да наполните гориво, секако можеме да заштедите на патните трошоци, можеби дури и до степен да ги покриете трошоците за патарини. Разликите можат да бидат значителни дури и во една иста земја, па затоа вреди да се информирате однапред. Цените обично се пониски на автоматските станици, додека најскапото гориво е стандардно кај пумпите што се наоѓаат веднаш до автопатите или покрај главните патишта.
