Татјана Димитровска, претседателка на Државната комисија за спречување на корупцијата (ДКСК), остана без пасошот во последната истрага на Основното јавно обвинителство, со која се проширува веќе започнатиот предмет „Адитив“.
Обвинителството поденесе обвинение кон крајот на февруари против 31 физичко и пет правни лица. Првообвинет за несовесно работење е поранешниот директор на ЕСМ, Васко Ковачевски, кој е во бегство.
Името на претседателката на ДКСК, Димитровска е вмешано во сериозни обвиненија за издавање на тајни на криминалци.
Инаку, Димитровска во меѓувреме добила дипломатски пасош од Министерството за надворешни работи, додека за другите членови за кои бил побаран, не било дадено никаков одговор.
Таа тогаш објасни дека како функционерка имала легитимно право да го побара, со оглед на тоа што често учествува на настани во странство.
Но, со формалното категоризирање на претседателката Димтровска во осомничена, одземен ѝ е и обичниот пасош и воведена ѝ е забрана да оди на работа.
Обвинителството ја гони дека наместо да ја исполнува својата должност и да го гони криминалот, Димитровска се впуштила во нелегални активности. Според обвиненијата, таа со умисла извршила повеќе поврзани дејства кои подразбираат откривање на тајни, што претставува сериозен прекршок на законите за спречување на корупција и судир на интереси.
Како претседател на ДКСК, од мај до декември 2024 година, Димитровска му давала на обвинет во предметот „Адитив“ тајни информации кои според законот се сметаат за службена тајна. Преку апликации како Viber и WhatsApp, таа му доставувала податоци за постапки, одлуки и проверка на имот на обвинети лица, кои биле дел од истрагата. Со овие дејства, таа ја нарушила доверливоста на институцијата и можела да предизвика штетни последици за тековните истраги.
Од Јавното обвинителство велат дека откривањето на службени тајни може да има сериозни последици за правосудниот систем и самите постапки што се водат пред обвинителствата и судовите.
Во контекст на овие обвиненија, судот покрај дипломатскиот, го одзел и обичниот пасош на Татјана Димитровска, што дополнително ја потврдува сериозноста на случајот.
