Унгарскиот премиер Виктор Орбан свика итен состанок на Советот за одбрана за денес попладне откако српските власти пронајдоа експлозиви и средства за нивно активирање на критичната гасна инфраструктура што ги поврзува Србија и Унгарија.
Орбан објави дека во недела наутро разговарал по телефон со српскиот претседател Александар Вучиќ за ситуацијата и објави дека свикал совет за одбрана за попладне.
„Тукушто го завршив телефонскиот разговор со претседателот на Србија, Александар Вучиќ. Српските власти пронајдоа моќна експлозивна направа и средства за нејзино активирање на критичната гасна инфраструктура што ги поврзува Србија и Унгарија. Истрагата е во тек. Свикав итен Совет за одбрана за денес попладне“, напиша Орбан на својот Фејсбук профил.
