Samsung планира да го лансира Galaxy Z Flip6 на 10 јули, а најновите информации говорат дека цената на овој модел во Европа ќе биде повисока од минатата година. Според извештајот на порталот Saminsider, Z Flip6 ќе чини околу 150 евра повеќе во однос на претходниот модел, пренесува GSM Arena.
Цената за моделот со 256 GB меморија ќе биде 1.340 евра, додека моделот со 512 GB ќе чини 1.467 евра.
За споредба, ланскиот Flip5 чинеше 1.200 евра за основниот модел и 1.320 евра за поголем капацитет.
Новиот Galaxy Z Flip6 конечно ќе пристигне со 12 GB RAM, надградба која корисниците на овој модел ја чекаа долго време.
Исто така, се очекува да има главна камера од 50 MP од серијата Galaxy S24 и поголема батерија од 4.000 mAh, што е подобрување во однос на минатогодишниот модел.
