Заедно со воланот во форма на правоаголник, новите автомобили на Peugeot ќе добијат модерно управување “by wire”. За само две години, првите Peugeot автомобили кои ќе бидат без физичка врска со тркалата би можеле да бидат моделите од следната генерација 208 и 2008 година.
Внатрешноста на автомобилите на Peugeot е веќе доста контроверзна денес со нивниот i-Cockpit, т.е. со концепт во кој ја туркаат таблата со инструменти под шофершајбната со минијатурен волан. Но, сега Французите одат чекор понатаму.
Минатата година францускиот производител го претстави концептниот автомобил Inception и со него футуристички волан во форма на правоаголник наречен Hypersquare. После тоа, Peugeot спроведе неколку студии и откри дека клиентите се подготвени за таква промена.
„Не само што мислиме дека овој вид на управување е технолошки супериорен, туку е поврзан и со технологијата „by wire“, рече шефицата на компанијата Линда Цексон за британскиот магазин Аутокар.
Технологијата „by wire“ всушност ја елиминира традиционалниот систем на управување. Попрецизно, нема механичка врска помеѓу воланот и тркалата. Наместо физичко, се користи електрично поврзување за испраќање на сигналот помеѓу активирачот на воланот и активирачот на механизмот за управување.
Покрај полесната интеграција со современите безбедносни системи, оваа технологија ги елиминира несаканите вибрации користејќи го воланот без да се заплеткуваат рацете и со многу помалку напор. Во исто време, новата технологија, заедно со новиот изглед на воланот, ќе овозможи и дизајнирање на попространа кабина, а клиентите кои учествуваа во студиите беа шокирани од тоа колку простор може да се ослободи со ова нова технологија.
Дополнителен новитет е што воланот Hypersquare ќе биде надополнет со заоблен дисплеј од 21 инчи поставен на врвот на предната арматура, кој ќе ја преземе улогата на таблата со инструменти и централниот дисплеј. Сето ова секако ќе биде дизајнирано во согласност со денешните Peugeot на патиштата, но секако ќе донесе промени на пазарот. Во исто време, со оглед на правоаголната форма на воланот, возачот повеќе нема да мора да „се мачи“ под или над работ на воланот за јасно да ја види таблата со инструменти.
