Словачкиот премиер Роберт Фицо изјави дека за време на денешната дискусија во Европскиот совет за Украина, не е постигнат напредок во врска со деблокирањето на заемот од 90 милијарди евра за Киев, како и за прекинот на испораките на нафта за Словачка и Унгарија преку нафтоводот Дружба.
Фицо, исто така, рече дека одбил да ги поддржи заклучоците од самитот на лидерите на ЕУ за Украина, што се одржа во Брисел, бидејќи неговото барање да се спомене нафтоводот Дружба во документот не било прифатено, пренесува TASR.
„Заемот за Украина останува блокиран и не е одреден датум за продолжување на испораката на руска нафта преку нафтоводот Дружба“, рече Фицо.
