Цените на нафтата скокнаа за повеќе од три отсто поради стравувањата од можна ескалација на конфликтот на Блискиот Исток, што може да доведе до намалување на глобалните резерви на сурова нафта.
Глобалните фјучерси на суровата нафта „брент“ се зголемија на 82,30 долари за барел, што е раст од 3,3 отсто. Фјучерсите на американската „Вест Тексас интермедит“ се зголемија за 4,2 отсто на 80,06 долари за барел. Во една трговска сесија, Брент ја забележа својата најголема процентуална добивка оваа година.
Американското Министерство за одбрана во текот на викендот соопшти дека ќе испрати подморница со наведувани ракети на Блискиот Исток додека регионот се подготвува за можни напади врз Израел од страна на Иран и неговите сојузници. Боб Јаугер, директор за енергетски фјучерси во Мизухо во Њујорк, рече дека таков напад може да ги поттикне САД да воведат ембарго на извозот на иранска нафта, што може да влијае на снабдувањето од 1,5 милиони барели дневно.
Во меѓувреме, израелските трупи ги продолжуваат операциите во градот Кан Јунис во јужниот дел на Газа по воздушен напад врз училишен комплекс за време на викендот, во кој загинаа најмалку 90 луѓе. Израел соопшти дека бројот на жртви е надуен. Во неделата Хамас го доведе во прашање своето учество во новите разговори за прекин на огнот.
Пазарот е се повнимателен од конфликти во регионот, изјави Џон Килдаф, партнер во Again Capital во Њујорк. Проширената војна може да го натера Израел да ја нападне иранската нафта и да го отежне производството на нафта за другите големи производители на нафта во регионот, вклучително и Ирак, предупреди Килдаф.
