На вештачката интелигенција ќе и бидат потребни најмалку 10 години за да ја надмине човечката интелигенција, изјави извршниот директор на кинеската технолошка компанија Baidu, Робин Ли на конференцијата Vivatech во Париз.
„За вештачка општа интелигенција (AGI) која би била попаметна од човекот, ќе бидат потребни уште многу години. Многу луѓе велат дека тоа е можно за две или пет години, верувам дека е можно само за повеќе од 10 години. – истакна Ли.
Според него, најмоќните модели со вештачка интелигенција (AI) на денешницата се уште се далеку од нивото на човечка интелигенција.
Како што објави CNN, извршниот директор на Baidu е значително помал оптимист за развојот на вештачката интелигенција од другите светски лидери во оваа област.
Извршниот директор на Tesla, Илон Маск, изјави претходно оваа година дека AGI попаметен од човекот ќе биде достапен до 2026 година, додека шефот на Open AI рече дека очекува силен развој на AGI во блиска иднина.
