Македонија во однос на минималата плата споредена со трошоците на живот е подобра од Португалија, Грција, Црна Гора, Кипар, Малта, Албанија, Србија, Унгарија, Чешка, Бугарија, Латвија, Естонија,… Ова не го велиме ние, туку „Фајненс тинк“, рече денеска премиерот Христијан Мицкоски.
Одговорајќи на пратеничко прашање, Мицкоски истакна дека земјава е некаде на средината ако се земат предвид најдорбото ниво на минималата плата споредено со трошоците на живот – во Германија и најниското ниво – во Албанија.
-На ЕСС вчера стана збор и за минималната плата. Ако ги тргнеме на страна политичките пораки кои сме навикнати да ги слушаме од еден од синдикатите, доаѓаме до фактот дека според трошоците за живот сведени на минималната плата, Македонија, како што покажува Фајненс тинк, е на средина. Ова е ако се земе предвид најдоброто ниво на минималата плата споредено со трошоците на живот – Германија и најниското – Албанија. Подобри сме од Португалија, Грција, Црна Гора, Кипар, Малта, Албанија, Србија, Унгарија, Чешка, Бугарија, Латвија, Естонија,…, истакна Мицкоски.
Тој се осврна и на поддршката за младите. Потсети дека првпат Владата обезбеди бесплатен пристап до базите на научните списанија за сите студенти и вработени на универзитетите.
-За младите предвидовме проширен опфат за оперативниот план за отворање бизниси и бесплатен пристап до научни списанија како дел од проектите кои се работат. Проширен е опфатот во делот на поддршка на отворање на компании и бизниси за 460 милиони денари. Тоа ќе значи дополнително 200 млади луѓе кои ќе можат да имаа старт-ап компанија, во која ќе може да се самовработат и да водат бизнис во Македонија. Тоа е добро бидејќи ќе ги зачуваме децата дома, нагласи претседателот на Владата.
Дополни и дека бројот на апликации е зголемен за 60-тина проценти што покажува дека е зголемен интересот за оваа мерка.
-Што се однесува до вложувањето кај младите, јас тука ќе дадам фокус и кај студентите, за прв пат оваа Влада обезбеди бесплатно пристап до двете научни бази за научни списанија, за сите научници, без разлика дали се тоа вработени на универзитетите или се студенти. Тие ќе можат да ги следат светските трендови како се развива науката. Тоа се Web of science и Scopus. Цениме дека на овој начин, тоа што беше претходно скапо и ретко кој можеше да го дозволи, сега веќе станува достапно за младите. Ќе можат преку овој тип на бази на врвни светски научни списанија да гледаат како се развива човештвото. Тоа ќе важи нормално и за професорите и асистентите кои подготвуваат магистериуми и докторати, рече премиерот.
Тоа, според него, треба да помогне македонските универзитети да се развиваат и барем еден од нив да биде меѓу првите 1 000 во светот според Шангајската Листа.
-Се зголемија и средствата за наука, за студентскиот оброк, се зголемија средствата за стипендии, а заедно пред некој ден бевме на лице место и можевме да видиме како се гради студентскиот дом „Кузман Јосифоски – Питу“ во Скопје. Наскоро ќе го посетиме и другиот студентски дом „Стив Наумов“, одговори премиерот Мицкоски, додавакќи дека се предвидува и доделување ваучери за електронски уреди за студентите, отворање нови универзитети, нови згради за факултети
