Претседателот на Владата Христијан Мицкоски на надзорната расправа во Собранието за „Алта банка“ објави одлука на владата на СДСМ, во времето кога премиер беше Димитар Ковачевски, со којашто се барало влегување во деловни односи со „Алта банка“. Како членови на Владата, како што кажа Мицкоски, биле министри половина од сегашната пратеничка група на СДСМ.
Мицкоски на седницата покажа официјална одлука објавена во „Службен весник“ број 123 од 2023 година, со која тогашната Влада, предводена од СДСМ, дала согласност за продажба на акции во Стопанска банка АД Битола, денешна Алта банка.
– Мојата теза е следна – дека во 2023 Владата на СДСМ и ДУИ донело одлука да го задолжи државното правобранителство да стапи во комуникација со истото ова лице Давор Мацура и Алта банка Србија и да влезе во деловни односи со Алта банка. Вашата Влада, господиме Венко Филипче, и на ДУИ, на предлог на министерот од министерот на ДУИ Фатмир Бесими му наложува на државното правобранителство да влезе во деловни односи со лицетот Давор Мацура, сопственикот на Алта банка Србија и да ги оттуѓи акциите во сопственост на Македонија, која што ги има во банката којашто ја купува Давор Мацура односно Алта банка така што многу пред да дојде Алта банка во Македонија вие како Влада воспоставувате деловни односи со тоа лице – рече Мицкоски.
Дали, праша праша Мицкоски, во 2023 година, немало руски капитал, немало криминални пари.
– Тоа е мојата контратеза, на вашата контратеза дека ние сме дозволиле, а во суштина вие многу порано сте знаеле и сте ја довеле државата во деловни односи со ова лице и со неговиот капитал – рече, меѓудругото Мицкоски, одговарајќи на прашања на пратениците Венко Филипче и Бојан Стојановски.
Филипче на Надзорна расправа за „Причините за воведувањето администрација во АЛТА банка АД Битола, улогата и постапувањето на Народната банка и институционалната одговорност“, го праша премиерот Мицкоски да одговори што му кажал на гувернерот Трајко Славески кога му нареди да дозволи влез на Алта банка во Македонија, а потоа постави и дополнително прашање. Филипче посочи дека Мицкоски не може да се дистанцира од одговорноста за случајот со Алта банка, ниту да тврди дека не знаел за кого станува збор, бидејќи уште една година наназад јавно се зборува за банката и нејзиниот сопственик Давор Мацура.
Стојаноски од ВМРО-ДПМНЕ посочи дека претходната влада предводена од СДС уште во 2023 година дала согласност за продажба на акции во тогашната Стопанска банка АД Битола.
– Сведоци сме на серија политички обвинувања од СДС и пратеникот Венко Филипче, кои настојуваат целокупната одговорност за случувањата со Алта банка, да ја припишат на актуелната Влада. Нешто што можевме да го слушнеме во изминатите 120 секунди. Меѓутоа, постои официјална одлука објавена во Службен весник број 123 од 2023 година, со која тогашната влада предводена од СДС, дала согласност за продажба на акции во Стопанска банка АД Битола, денешна Алта банка“. Што точно, открива одлука за постапувањето на претходната влада, дали била реализирана продажба врз нејзина основа и по што се разликува од одлуките на сегашната влада во 2026 година – праша Стојановски.
Прашања поставија и Борислав Крмов од Левица, Аднан Азизи од Вреди, и Весна Бендевска.
