Фудбалската суперѕвезда Лионел Меси пристигна во раните утрински часови оваа сабота во индискиот град Калкута како дел од турнејата „GOAT Tour 2025“, каде што беше пречекан од илјадници ентузијастични навивачи.
Пред аеродромот и по патот до хотелот, се собраа маси навивачи носејќи аргентински знамиња и дресови, скандирајќи го името на Меси и славејќи го доаѓањето на легендата на светскиот фудбал.
Колонот возила што го носеа Меси го напушти аеродромот под силно обезбедување, додека навивачите танцуваа и го бодреа својот идол.
Меѓу собраните имаше и навивачи од соседните земји. Еден од нив, кој патуваше од Непал, рече дека неговото пристигнување во Индија и можноста да го види Меси е исполнување на неговиот сон.
„Ова е еден од моите соништа, само да го видам Меси. Го гледавме како игра, се будевме доцна навечер и ги прескокнувавме обврските, а сега e тука во Индија. Се чувствувам одлично“, рече навивачот.
По пристигнувањето во хотелот, бројни навивачи повторно се собраа пред објектот, меѓу кои мавтаа со знамиња со пораки за поддршка и симболи на локалните фан клубови на Меси, а потоа Меси се појави на стадионот Солт Лејк пред 110.000 гледачи.
Жителите на Калкута, исто така, подготвија големо изненадување за Меси на првата станица од неговата турнеја. Имено, тие направија 21-метарска статуа на Меси како го држи трофејот од Светското првенство, која беше свечено откриена.
Тродневната турнеја на Меси низ Индија започнува денес, а за време на неговиот престој е предвидено да посети четири големи градови, вклучувајќи ги Калкута и Мумбаи. Според најавите, аргентинскиот ас треба да се сретне и со индискиот премиер Нарендра Моди во Њу Делхи за време на неговата посета.
