Српскиот неделник „Недељник“ објави листа на 100 најбогати луѓе во регионот, а првите три места ги заземаа хрватските бизнисмени.
Првото место меѓу најбогатите луѓе во регионот го делат сопствениците на хрватската ИТ компанија Инфобип Силвио Кутиќ, Роберт Кутиќ и Изабел Јелениќ. Вредноста на нивната компанија за една година се зголемила за речиси 807,6 милиони евра. Зад Инфобиповац следува Дубравко Гргиќ, сопственик на групацијата Аграм, чија вредност се проценува на 3.124.000 евра. Третото место го освои Мате Римац со 3.047.000 евра.
Според Недељник, во првите десет е и Павао Вујновац, кој е сопственик на Енергија натуралис, а неодамна ја презеде Фортенова. Неговото богатство се проценува на 1.632.142.857 евра. Првите десет места им припаднаа на луѓето од Хрватска и Србија.
Според овој неделник, Мирослав Мишковиќ и Миодраг Костиќ со децении конкурираат за позицијата најбогат Србин. Костиќ, сопственикот на МК Група во 2021 година беше најбогат и на второто место на регионалната листа, а сега е на петтото место. Годинава, иако и двете компании постигнаа раст, Мишковиќ го зазеде четвртото место и со тоа го престигна Костиќ по две години. Мишковиќ, сопственик на „Делта холдинг“, и оваа година стана првиот Србин чии компании на територијата на Србија вредат повеќе од три милијарди евра.
Најбогат Црногорец е Драган Бокан („Воли“), чија имотна вредност се проценува на 504,6 милиони евра. Во Словенија најбогато семејство е Лах (Стекларна Храстник), чиј имот се проценува на 385 милиони евра, додека во Македонија најбогат е Живко Мукаетов („Алкалоид“) со 710,5 милиони евра.
Инаку, минатата година најбогат во Македонија, според неделникот, беше стопанственикот Илија Гечев, како прв македонски милијардер. Гечев и неговата ИГМ „Трејд“ лани се најдоа на 18. место со проценето богатство од 1,054 милијарди евра и тоа беше прв пат некој бизнисмен од Македонија да ја надмине границата од милијарда евра.
