Иако балансираната исхрана е основа на доброто здравје, како што старееме, може да чувствуваме недостаток на хранливи материи кои тешко се надополнуваат само со храна. Во многу случаи, додатоците во исхраната можат да бидат корисни, особено кога станува збор за клучни витамини и минерали. А веќе по 35-тата година тие може да помогнат во одржувањето на енергијата, цврстината на коските и здравјето на срцето и мозокот. Секако, секоја личност има различни потреби, и доколку чувствува некоја слабост треба да се консултира со лекар или нутриционист.
Но, без разлика во која категорија на луѓе сте, каков животен стил имате, некои додатоци во исхраната се навистина неопходни за сите нас.
Алое Вера, магичен додаток во исхраната кој обезбедува безброј здравствени придобивки
Алое вера содржи активни состојки кои ги обезбедуваат здравствените придобивки на растението. Листовите од алое вера содржат најмалку 160 есенцијални компоненти. Некои експерти велат дека има најмалку 300 до 400 витални компоненти. На пример, алое вера содржи витамини А, Ц, Е и Б витамини, кои се антиоксиданси кои делуваат на тој начин што ги спречуваат слободните радикали за да го спречат оксидативниот стрес. Алое вера содржи и моносахариди, полисахариди, хормони, ензими и секундарни растителни соединенија.
Алое вера се користи како природен лек за дигестивни проблеми, а е особено ефикасен во зајакнувањето на имунолошкиот систем.
Витамин Д – важен за коските и имунитетот
Витаминот Д игра клучна улога во зајакнувањето на коските, здравјето на мускулите и функцијата на имунолошкиот систем. Нивоата на витамин Д често се намалуваат со возраста, особено кај жените. Кај жените над 40 години, намалените нивоа на естроген го отежнуваат апсорбирањето на витаминот Д, и се препорачува земање додатоци во исхраната. Препорачаниот дневен внес за повеќето здрави возрасни се движи од 400 до 800 меѓународни единици (IU), или 10 до 20 микрограми.
Калциум – клучен за одржување на силни коски
Неопходен е за здравјето на коските и забите, како се зголемува возраста, особено кај жените во менопауза кои се изложени на поголем ризик од губење на коскената маса. Иако калциумот може да се внесе преку храна (млечни производи, зелен зеленчук, збогатена храна), понекогаш тоа не е доволно. Калциумот го намалува ризикот од фрактури и помога во одржувањето на силни коски.
Се препорачува да се зема калциум цитрат, кој подобро се апсорбира, дури и кај луѓе со намалена желудочна киселина. Покрај тоа, може да се зема без оглед на оброците, што е дополнителна предност.
Омега-3 масни киселини – заштита за срцето и мозокот
Омега-3 масните киселини, особено EPA и DHA, имаат силен антиинфламаторен ефект и играат важна улога во одржувањето на здравјето на срцето, крвните садови и мозокот. Тие природно се наоѓаат во масните риби како што се лососот, скушата и сардината. Ризикот од срцеви заболувања и когнитивен пад се зголемува со возраста. Истражувањата покажуваат дека поголемиот внес на омега-3 може да го намали овој ризик, особено кога се консумира редовно преку исхрана или додатоци во исхраната. Се препорачува да се јаде масна риба најмалку двапати неделно. Доколку ова не е можно, додатоците во исхраната од рибино или алгино масло може да бидат добра алтернатива, но треба да се консултирате со вашиот лекар пред да ги земете.
Важна е физичката активност
Физичката активност, особено пливање, помага во одржувањето на мускулната маса и густината на коските, а добрата исхрана ја поддржува дигестивната функција и здравјето на срцето.
Можеби баш сега е добро време да почнете да правите позитивни промени и да инвестирате во вашето идно здравје. Препораките за додатоци во исхраната зависат од вашите лични цели, здравје, генетика и начин на живот, а не само од вашата возраст.
